Stefnuskrá

Um Félag ábyrgra hundaeigenda

Félag ábyrgra hundaeigenda var stofnað 18. janúar 2012 af nokkrum hundaeigendum sem höfðu áhuga á að bæta stöðu hundaeigenda og hunda í borginni. Félagið er opið öllum. Tilgangur félagsins er að vera málsvari  hundaeigenda og hunda með það að markmiði að stuðla að ábyrgu hundahaldi.

 

Framtíðarsýn og markmið

•        Að á Íslandi skapist hundamenning í líkingu við það sem fyrirfinnst í nágrannalöndunum

•        Að eiga gott samstarf við sveitarfélög varðandi mál er tengjast hundahaldi

•        Að hundaeigendur sýni ábyrgð í hvívetna

•        Að hundagerði fyrirfinnist í öllum hverfum borgarinnar

•        Að auðvelda hundaeigendum að ferðast með hunda sína

•        Að tekið sé tillit til andlegra og líkamlegra þarfa hunda í stefnumótun yfirvalda varðandi málefni hunda

 

Hvernig ætlum við að ná markmiðum okkar?

•        Virkja sem flesta hundaeigendur í þágu málefnisins

•        Setja á laggirnar nefndir sem vinna að settum markmiðum félagsins

•        Auka samvinnu við yfirvöld og koma sjónarmiðum hundaeigenda á framfæri

•        Hvetja hundaeigendur til að skrá hunda sína svo raunverulegur fjöldi hunda sé sýnilegur þannig að hægt sé að koma betur til móts við þarfir þeirra

•         Standa að herferð gegn hundaskít á götum borgarinnar með samstarfi hundaeigenda og sveitarfélaga